Lezama

Herri Txiki, Infernu Handi. Pagadik Teresi ezagutuko du, Lezamako futbol zelaien ondoan bizi den emakumea, eta bere lurrak Athletic-i saldu nahi izan ez zituenetako bat. Herriko ermita batean, Esperanza ezagutuko du, Bermeokoa, eta han bertan dantza estilo desberdinetako klaseak ematen dituena. Ugaitzek traktorean hartuko du Pagadi, eta bere iraganeko rally gidari ibilbidea kontatuko dio. Azkenik, Eduardo ezagutuko du, artista eta perretxiko zale amorratua. Zuhaitzek Justa Andikoetxea ezagutuko du, 88 urteko emakume nekaezina, bere garajean tomate eta piper saltzen dituena eta taka-taka batean herrian zehar ibiliko dena. Andoniren baserrira joango da gero, han bueiak entrenatzen ditu eta Lezamako futbol zelaien ondoan dago. Ondoren, herriko dendari ezagunena, Josune Janari Denda, bisitatuko du, eta Josunek berak azalduko dio negozioaren funtzionamendua. Azkenik, Karmen eta Karmen lagun zaharrekin tertulian bukatuko du eguna.